Presentamos a Guía este domingo 16 de novembro en Corcoesto

On 13/11/2014 by Véspera de Nada

20141116-guia-descenso-enerxetico-cartaz-presentacion-corcoesto-w400Continúa a nosa xira revolucionaria polo país sementando a Galiza pospetróleo. Desta volta será en Corcoesto, Bergantiños, o domingo 16 de novembro ás 11 h, da man da Plataforma polo defensa de Corcoesto e Bergantiños, cuxa nota de prensa colamos:

O Domingo 16 de Novembro ás 11 h. no Local social de Corcoesto (escola de Cures) presentamos a “Guía para o descenso enerxético”, preparando unha Galiza pospetróleo da Asociación Véspera de Nada, baixo a denominación:

Volta ao rural: Cómo sobrevivir ao fin da era da abundancia?

A presentación da mesma correrá a cargo de Xoán R. Doldán, natural de Ponteceso, profesor de Economía Aplicada da USC, coautor da guía e presidente da Asociación Véspera de Nada.

Na mesma abórdase que a civilización industrial afronta o seu colapso a causa da queda irreversible da súa base enerxética principal: o petróleo. Non hai enerxía que poida substituír o petróleo a tempo e na escala precisa para seguir termando da sociedade de consumo capitalista. Galiza, despois dun proceso recente e incompleto de industrialización, atópase con que ese modelo económico e social está a deixar de ser viable, e debe volver de novo a súa ollada ao rural para buscar a súa única riqueza real.

Esta Guía presenta unha explicación das transformacións sociais que xa están en marcha e que van supoñer a fin da Era da Abundancia e do Crecemento, ao tempo que ofrece un amplo conxunto de recomendacións acerca do que podemos ir mudando cada galega e cada galego nos terreos da nosa economía, do consumo enerxético, do transporte, da alimentación, da saúde, da vivenda e da educación para non só sobrevivirmos ao colapso do petróleo senón para construírmos unha Galiza que teña un futuro mellor despois do petróleo.

Trackbacks & Pings

Deixa unha resposta

O teu enderezo electrónico non se publicará Os campos obrigatorios están marcados con *