Cultivo natural da pataca (sen labrar)

[VesperaDeNada]

[Outrocan_Sendono]

Nós probamos a facer as hugelkultur esa nunha horta urbana. A xente preguntaba quen estaba enterrado nelas. O problema e facer o control de adventicias pq tiña que ser "manual" non se podía meter o sacho ou un sachiño pq estaba todo moi solto e desfaciase. Puxéramoslle abaixo guizos e gallas semipodres, logo herba fresca, terra e cubríramos con esterco de cabalo en serrin. Non fora moi exitoso. Tamén puxemos patacas sobre un bancal e logo as cubríramos con folla de carballo. Saíran moi ben e moi grandes con respecto ás que estaban en terra. Ademáis limpas coma as que hai nos supermercados

[ManuelAmigo]

Meu pai ten un gran exito coas patacas en palla , eu personalmente estou a experimentar con unha hugel de 1.5 metros de alto e catro de longo, po la miña experiencia as hugel vanse facendo co tempo, o primeiro ano non soen ser moi exitosas pero a fertilidade vai aumentando co paso do tempo, outro tema capital e a cobertura de mulch ( no meu caso palla mixturada con xestas picadas) co que se controlan a perfeccion as adventicias , e estamos a falar de unha cobertura como Dios manda non catro pallas sueltas como minimo 10 centimetros de espesor.

Este ano veremos os resultados....

[Outrocan_Sendono]

Eu é que vexo esa tecnica moi "mitteleuropa". Quero decir igual hai que contar cun reseteo do terreo via inverno con neve colmada que nos non temos aquí. Aquí inda que non o pareza, a terra sempre está activa, con herbas con diferentes tempos de xerminación, medre e floración. Nos temos os bancais comidillos e coma veñan 2 semanas de sol vai haber que entrar con desbrozadora.

[Casdeiro]

[Outrocan_Sendono]

A cobertura dos bancais, despois das choivas de outono era ben pouca, inda que durante o vrao (sobre 5 - 10cm.) fixo o seu traballo. Naceron herbas durante o outono inverno e houbo que sacarlle as herbas e refacelos. Ademáis estan inzados dunha herba que nos chamamos "correxea" que é moito pior que a grama. Pode ter unha raiz de 1 metro ou máis, e penso que cada anaco que queda no chan despois de meter o sacho vai para adiante.

[Casdeiro]

[SitoCosta]

Eu probei o ano pasado a poñer as patacas na palla nun parche de 2 x 2 metros e funcionou moi ben, era patacas máis pequenas que as que tiñamos en terra pero para o traballo que deron estaba moi contento. Este ano xa as puxen en todo o bancal, e por experimentar e proveitar ó mesmo tempo para quitar as herbas parasitarias puxenlles debaixo unha boa capa de cartón á metade do bancal e de periódicos a outra metade (podedes ver a idea aquí p.e. https://www.youtube.com/watch?v=JbRyCsZhQeQ) ... e fíxenna boa. Na metade con periódico están bastante bonitas, pero na outra metado non sairon moi ben e penso que é pq a raíz non penetrou con facilidade o cartón. A medida que o talo medra vou cubrindo con máis palla (un mes antes de poñelas enterrei no bancal abono de galiña ben maduro). A ver que sae de ahí. Tirei unha fotos para subilas pero pídeme a URL da foto. Suponse que as teño que aloxar antes nalgunha web ou algo así???
Eu copiei o método de aquí https://www.youtube.com/watch?v=q1OShZZUt0k e de aquí https://www.youtube.com/watch?v=vHwdkoYKL8s e no seu dia lembro que buscaba por "no dig potatoes". Non sabía nada do sistema da Fonsagrada, se non tería preguntado .

Outra cousa que me plantexei é que moi preto dos meus bancais miña nai puxo as patacas en terra como se leva feito dende que eu lembro no Morrazo que é onde eu estou. Ten o patacal precioso (a ver se dou subido as fotos e podo amosarvos as diferenzas). O caso é que lles está atacando o escarabello e ten que andar seguido enriba deles co producto de turno, mentres que nas miñas aínda non atopei nin o primeiro (a separación entre unhas e outras son uns 20 metros). Nos na casa non somos moi pataqueiros, entón o que me plantexo é plantalas o próximo ano por remendos de 3 ou 4 metros de maneira escalonada (cada mes un parche delas) e facer a colleita máis escalonada para ter sempre patacas novas. Penso que así as protexerei das pragas que atacan nos grandes patacais que hai arredor pero no nos meus tan pequenos.

Tiñamos intención de cando miña nai recolla as patacas pesar o rendemento que saca dunha superficie de 6 x 1,20 (esa é a área dos meus bancais) e comparalo coa cantidade que saque eu co método de plantar en palla. O problema é que coa cagada deste ano co cartón non nos vai ser unha boa referencia, haberá que deixar o experimento para o ano que ven. Das comclusións que saquemos vo-las comentarei por se a alguén lle poden valer.

Alégrame moito ver que somos moitas as que estamos buscando/experimentando/partillando estas novas vías. Apertas.

[Casdeiro]

[VesperaDeNada]