Deshidratadores solares

[Casdeiro]

A conservación dos alimentos por medios de escaso ou nulo gasto enerxético paréceme unha cuestión chave para o futuro da nosa alimentación e da nosa autosuficiencia/soberanía alimentar. E aí o secado mediante o sol paréceme unha solución magnífica ao alcance de todo o mundo.

Eu teño algún vídeo e este libro http://www.newsociety.com/Books/S/The-Solar-Food-Dryer pero gustaríame saber se tedes máis referencias, sobre todo no que se refire á autoconstrución a baixo custo de deshidratadores solares.

Grazas!

[SitoCosta]

Eu estou en fase de construir un nestas semáns. Intentarei facer fotos do proceso para subir un tutorial.

[Casdeiro]

[SitoCosta]

Documentándome para facer o meu atopeu este video que propón un de baixo coste. A miña idea é facer algo máis permanente e mellores calidades para non ter que repoñer o plástico cada ano. Poño o enlace para quen lle poida servir. https://www.youtube.com/watch?v=-1cZPdauq-Q

[emilioroman]

Baseándome no deshidratador solar do video que puxo Sito, quero construir un para min (ou para Bidos & Bugallos).

Mando os planos necesarios para a construccion con, en principio, madeira, ainda que se podería facer con outros materiais.

Non incluín os plásticos nin as mosquiteiras pois éme dificil calculalo e penso facelo con retais que teño tirados por casa, asi que irei facendoo sobre a marcha.
Se vedes necesaria algunha modificación estou á vosa enteira disposicion.


adxunto o link ao meu dropbox porque non me deixa subir pdfs.

[Casdeiro]

O que eu non entendo é por qué chao, cando parece mellor a opción que permite o aire quente subir máis doadamente cara a columna de deshidratación. Eu teño un libro enteiro adicado ao tema e despois varias instrucións noutros libros. Pero nunca vin que se fixese a captación en horizontal.

[SitoCosta]

Sopoño que o colector no video é de chan pq o video e a gran maioría de programas que se desenrolan (Faos, Unicef, Mercosur) para o uso da enerxía solar para a conservación dos alimentos faise nos países que quedan entre os trópicos e o ecuador, onde o sol é tan vertical que apenas fai falta a inclinación do panel. Para as nosas latitudes hai que facer unha pequena modificación que é unha inclinación do panel lixeiramente inferior ós 45º respecto á horizontal (43º en inverno e aprox 35º no verán polo que unha boa inclinación media serían os 40º).

De todas maneiras (xa subirei as fotos) eu o colector o estou facendo con latas de Estrella Galicia (por darlle unha aplicación á reciclaxe das que levo consumido este ano) pq así a ese colector lle podo dar outras aplicacións desconectándoo do secadeiro. Aqui podedes ver un exemplo do que estou intentando facer, soio que eu estou reciclando, como marco, un cartaz de aluminio que tiña https://www.youtube.com/watch?v=QLNViUsRCVU O meu colector é máis curto, de 1,50 x 0,65 , con vistas a aproveitar esa inclinación da que falabamos.

Acho que finalmente vou aproveitar o boceto de Emilio (agardo que non che importe) e case seguro que o farei coas mesma medidas modificando a inclinación (e o ancho que sería de 65 a 70 cms), polo que seguramente as bandexas de abaixo non as poida aproveitar pq o colector remata máis alto onde entra no secadeiro do que aparece no video orixinal. Tm tiña pensado pechar as paredes non con plástico senón con chapa de madeira, pero aínda non o teño claro e igual este ano o poño con plástico pq así os erros son máis sinxelos e baratos de correxir.

[emilioroman]

Por suposto que podes utilizalo, eu simplemente limiteime a copialo do video e poñelo en un formato facil de interpretar dun golpe de vista.

Pareceme moi interesante o de usar as latas(ou outra cousa que se poda reciclar). Voulle dar un par de voltas a ver se se me ocorre algún outro material reutilizable e así facemolo distinto(sempre me gustou darlle un toque personal ás cousas, jeje)

O que non teño claro é como quedarían as medidas coa inclinación que ti propós. agora mesmo hai unha diferencia de 5 cm entre a parte baixa e a alta, cánto cres que debería ser esa diferenza para chegar á inclinación que propos ?? (creo que teño que recuperar algún coñecemento dos de pitágoras jeje)

[SitoCosta]

[Casdeiro]