Sanidade, medicinas e médicos

Saúde e sanidade nun mundo sen petróleo.

Sanidade, medicinas e médicos

Mensaxepor Begonha » 31 Mar 2014, 22:42

Unha cuestión que me parece moi importante é cómo imos facer a transición cara a unha medicina que terá que ser moito máis parca en recursos. Tal vez neste tema, como en moitos outros, haxa cousas que empeoren pero outras mesmo poden ir a mellor.

Eu acredito nas medicinas tradicionais. A medicina convencional (medicos e medicamentos) está pervertida.

Os diagnósticos son malos, porque os médicos de cabeceira non teñen tempo, non coñecen aos pacientes nin lles interesan, como en todas as profesións perdeuse o orgullo do oficio.

Cada vez compartiméntase máis o organismo, esquecendo que as persoas somos enteiras, e así amánanche o estómago e escarállanche o fígado.

A medicina actual está pensada para que non pares nin un segundo a curarte, toma o que sexa e sigue, adoece ademáis dun exceso de instrumentalización, un caso moi claro son os partos.

Coido que hai grados, e que necesitaremos todo, pero penso que é precisa unha visión integral tamén da saúde. Este é un tema moi importante para o futuro postpetróleo por certo, precisaremos profesionais con profundos coñecementos da saúde, e que se poidan apañar con recursos escasos e sinxelos. Ademáis precisamos establecer prioridades a respeito de en qué gastamos eses escasos recursos, seguramente será máis barato tomar un descanso para curar unha gripe, e botar man dalgún remedio caseiro, e aforrar eses caros aantigripais para outras necesidades máis perentorias. Moitas veces o que máis necesitamos cando nos atopamos enfermos é simplemente descansar, algo que quizáis unha sociedade postpetróleo nos permita facer máis doadamente.

Neste asunto faise máis evidente o dilema da transición. Non queremos voltar atrás pero, é posible mellorar no tratamento da nosa saude consumindo moitos menos recursos? Eu penso que nalgúns ámbitos sí. E volvo poñer o exemplo dos partos. Cos coñecementos dunha matrona experta e un material moi simple, nun embarazo que se desenvolve con normalidade e un parto que se presenta sin risco, é moito máis barato un parto domiciliario atendido por duas profesionais, e aquí está o mellor do asunto, pode resultar moitísimo máis satisfactorio para todas as persoas implicadas (nai, pai, criatura, irmáns...). Entón, é posible e desexable gardar eses recursos hospitalarios para outros casos en que son realmente imprescindibles.
Begonha
Socio/a
Socio/a
 
Mensaxes: 27
Rexistrado: 04 Mar 2014, 12:19

Re: Sanidade, medicinas e médicos

Mensaxepor Casdeiro » 01 Abr 2014, 09:37

Todo depende do que chames "medicina convencional".

Exemplos:

O meu médico de cabeceira en Barakaldo recomendábame facer gargarexos de camomila para as irritacións de gorxa.

A medicina convencional nos Países Baixos xestiona o parto seguro nas casas.

A medicina estatal en China aplica métodos tradicionais desa cultura.

Así que todo depende de qué medicina convencional falemos.
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Sanidade, medicinas e médicos

Mensaxepor Casdeiro » 01 Abr 2014, 09:42

Begonha escribiu:Ademáis precisamos establecer prioridades a respeito de en qué gastamos eses escasos recursos, seguramente será máis barato tomar un descanso para curar unha gripe, e botar man dalgún remedio caseiro, e aforrar eses caros aantigripais para outras necesidades máis perentorias. Moitas veces o que máis necesitamos cando nos atopamos enfermos é simplemente descansar, algo que quizáis unha sociedade postpetróleo nos permita facer máis doadamente.


Si, esa é unha cuestión importante, diferente da dos métodos ou terapias que aplicar, ou vencellada, pero que podemos tratar por separado. Está claro que o obxectivo dos sistemas de saúde actuais (públicos ou privados) é manter os traballadores ao pé do canón a toda costa. É dicir, prima o obxectivo do que precisa o sistema (capitalista industrial) diante do que precisa a persoa doente, e por iso tanto abuso dos medicamentos, tanto dopar á xente que ten problemas psíquicos, etc. Moitas veces é precisamente o sistema a causa da nosa doenza e empéñanse en facer apaños para tapar os síntomas e que tiremos para diante, no canto de como ti ben dis, unha orientación integral, holística, que vexa persoas e non síntomas (xa nin doenzas!) e que se fai falta deixar un traballo, ou mudar de vida, cho aconsellen, no canto de darche o que sexa para manterte como unha rodiña máis no engranaxe.
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza


Volver a Saúde

Quen está en liña

Usuarios navegando neste foro: Ningún usuario rexistrado e 1 convidados

cron