Centro para a resiliencia

[Begonha]

Temos o proxecto de abrir un "centro para a resiliencia", un lugar onde recuperar saberes da cultura tradicional, aprender a ser autosuficientes, ou poder consultar bibliografía a respeito do peak oil. Queremos estar do lado das posibilidades.

[estevo]

Olá Begonha.

Soa bem a ideia. Onde é isso? Quem sodes vós? Poderias dar máis detalhes sobre o funcionamento e funçons que tedes pensadas para esse centro?

[Begonha]

Ola Estevo:

O proxecto que queremos comezar ubícase no noroeste de Galiza, no termo municipal de Miño, en pleno Golfo Ártabro.
Nós xa levamos 20 anos vivindo aquí, reconstruimos unha casa de labranza dos meus abós e labramos unha pequena horta para autoconsumo inscrita no CRAEGA. Temos turismo rural e tamén unha pequena conserveira. Agora é momento de reorientar as cousas, así que fai un par de anos empezamos a impartir algúns cursos sobre bioconstrucción, agricultura ecolóxica, elaboracións caseiras de conservas, cervexa, mesmo algún de fiado de lá. Todos eles enfocados á autosuficiencia e co peak oil como telón de fondo. Agora trátase de dar un paso máis e configurar algo máis elaborado e estable, que nos permita facer a nosa propia transición e máis ao mesmo tempo que axude á resiliencia da comunidade, que actúe como xermolo na zona máis inmediata máis que sexa visitable por calquera persoa que queira reproducilo. Que sirva tamén para aprender a persoas de lugares máis afastados.

Estamos na tarefa de definir polo miudo o funcionamento e os obxetivos do centro, de momento a actividade céntrase nos cursos, pero a idea é facer máis cousas, xornadas de distintos colectivos, conferencias abertas ao público en xeral. Tamén recibimos voluntariado dende fai moito tempo. Podes consultar máis cousas no noso blog www.pousadoira.com/centro-resiliencia que como che digo ainda está en construcción, e se queres calquera outra información podes poñerte en contacto con nós no correo info@pousadoira.com

[CANOLI]

Ola!!
Gustaríame preguntar se a permacultura (aplicada ás condicións da Galiza) sería obxecto de estudio intensivo. Imaxínome que sí, pero gustaríame que nos orientásedes un pouco a ese respecto. Cando digo aplicada ás condicións da Galiza, refírome a cousas como ter en conta procesos de restauración de casas antigas cando se fale de bioconstrucción ou usar recursos locais (a madeira dos nosos propios montes...). Tecer redes sociaís paréceme esencial, ogallá se consiga. Tamén preguntar cando tedes pensado poñelo en marcha.

Gracias