A Guía propón a solución individual?!

[VesperaDeNada]

O outro día na , na quenda de preguntas, alguén nos botou en cara que apostabamos pola solución individual.

Eu penso que, para calquera que lea a Guía e todo o que vimos propoñendo desde a creación da nosa asociación, debería estar claro que renegamos de calquera vía de actuación exclusivamente individual e que nos esforzamos en poñer énfase en que a resposta debe ser social, comunitaria.

Se cadra esta persoa tentaba interesadamente identificar toda resposta desde abaixo —é dicir non-estatal— como resposta individual/individualista, negando que entre o estatal e o individual existe un amplo campo de actuación, que é o comunitario (autoxestión, etc.).

Penso que deberíamos ser aínda máis nidios na trasmisión desa mensaxe para evitar malentendidos coma este ou que non quere totalmente claro a vía que propoñemos, que sen renegar dun complemento desde arriba —se fose posible acadar cotas de poder no aparello estatal—, e sen negar a necesidade das actuacións indidivuais en paralelo e coherencia coas comunitarias, basea a Revolución Pospetróleo na acción das comunidades locais.