CONSELLO PARA REPOBOAR MONTE

Anuncios de solicitude e ofrecemento de axuda mutua e colaboración, non vencellados con proxectos concretos (para iso xa temos outro apartado).

CONSELLO PARA REPOBOAR MONTE

Mensaxepor CANOLI » 15 Set 2014, 18:53

Ola a todo o mundo!!

Pido consello para repoboar monte; quería plantar o que sería un bosque comestible para que me surtira de comida de maneira repartida a maior parte do ano posible (para persoas ou animais), pero non teño coñecementos ó respecto. Trátase dun monte talado o ano pasado duns 6000 m2 aprox onde anteriormente había acacia, eucalipto e piñeiro que está orientado hacia o Norte con bastante pendiente. Está no concello de Cambre a uns 15 km do mar e a pouca altitude. O monte do lado ten un monocultivo de castiñeiro duns 25 anos.

Gustaríame saber:
-especies a plantar
-como tratar a terra previamente.
-distancias...

É algo que debería facer este inverno e non atopo información por ningures.

Moitas gracias de antemán!!
CANOLI
 
Mensaxes: 9
Rexistrado: 15 Xul 2014, 07:11

Re: CONSELLO PARA REPOBOAR MONTE

Mensaxepor Casdeiro » 16 Set 2014, 09:03

Uf, proxecto interesantísimo e ambicioso!! Hai moita información na WWW e nalgúns bos libros, pero a ver se entre todos che podemos ir dando algún consello.

De todos modos, eu aconséllote antes de nada facer un deseño permacultural en condicións, e canto antes.

Ah, e ir erradicando (literalmente: eliminando as raíces) os eucaliptos.

As acacias de que especie en concreto eran? Deixaríanche o solo ben nitroxenado pero se son negras pode que teñas rebrotes continuos durante polo menos 50 ou 60 anos!!! Non é mala cousa, pero si che vai dar choio. O piñeiro deixaríache o solo bastante acidificado... e alí daríanseche ben os cítricos.
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: CONSELLO PARA REPOBOAR MONTE

Mensaxepor Casdeiro » 16 Set 2014, 09:06

Polo tema da pendente e da orientación norte, coido que che interesará estudar os métodos de Sepp Holzer. Viches o documental do Rebelde do Agro? Telo p.ex. aquí http://www.youtube.com/watch?v=mTFW1zbMKmg

Eu teño 2 dos seus libros.

Se cadra o de meter o bulldozer como fai el para crear terrazas che pareza excesivo. Habería que estudalo, en todo caso. E considerar alternativas.

Non tes ninguén por aí preto que controle algo de Permacultura para axudarche?
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: CONSELLO PARA REPOBOAR MONTE

Mensaxepor Casdeiro » 16 Set 2014, 09:10

Se cadra tamén te inspira estoutro vídeo do permacultor australiano Geoff Dawton, pero o clima e tipo de terreo é moi diferente, coido eu: http://www.youtube.com/watch?v=FYe4f28DRO0
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: CONSELLO PARA REPOBOAR MONTE

Mensaxepor Casdeiro » 16 Set 2014, 11:48

Canoli, comentei a túa mensaxe na lista interna da asociación Véspera de Nada e isto é o que me di o compañeiro Xabier Vázquez Pumariño (agora non podía entrar el ao foro así que me pideu que cho trasmitise eu):

Ben, que esqueza o proxecto. Penso que é o máis práctico. Cando falamos de que cultivar determinadas especies forestais, aparte dos prexuizos ecolóxicos que ten a curto e medio prazo, ten estes efectos a longo prazo: a irreversibilidade de determinadas decisións. Se é un lugar orientado ao norte, con pendente e con eucaliptos + acacias é un cancro que só vai poder atallar a base dun esforzo brutal que non vai poder resolver a non ser que invirta unha cantidade brutal de esforzo e enerxía.

Se quere facer algo que plante carballos, castiñeiros, nogueiras e cerdeiras, ten que facelo a man e poñerlle os tubiños esos plásticos de protección, vai ter unha mortalidade grande e o que estea fora dos tubiños que o vaia cortando con paciencia.... os próximos 30 anos.

Meter maquinaria pesada é unha opción impensable, só é agravar todo tipo de problemas.

Outra opción é meter un rebaño de cabras, que coman todo ao límite e logo incluso tratar con glifosato...

En fin, tenno complicado

(...) mellor que sexa realista que ver que pasan os anos e segue todo invadido de acacias e ocalitos... Se quere investir tempo e enerxía (e enerxías) pra case nada, ben.


Xabier coñece ben o tema, pero eu non sei ata qué punto compartir a súa opinión.

Por unha banda a acacia podería convivir, polo menos en teoría, como planta fixadora de nitróxeno co resto de cousas que vaias prantando (el xa viches as especies de suxire). Como interplantación temporal mentres o bosque que ti queres vaia medrando.

Por outra banda a Sepp Holzer funciónalle o de meter bulldozers para construír terrazas nos Alpes. Non vexo eu por qué aquí non podería funcionar. Pero, claro, todo isto é cuestión de velo sobre o terreo e estudalo e deseñalo moi moi ben. Se cadra non son tan pesimista como Xabier, pero vas ter que pescudar e deseñar moito. E mentres, facer algo co monte porque seguirá a medrar mentres ti pensas que facer. E os eucaliptos vanche reagromar. E as acacias e piñeiros pode que tamén.

Se cadra podías inocular os cachopos todos con fungos axeitados para que che vaian descompoñendo a madeira e loitando contra o reagrome. E o de meter animais tampouco estaría mal, para manter a raia o que vaia medrando... aínda que non sei eu se hai becho que che vaia comendo os eucaliptos, a non ser o gurgullo, claro ;-)
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: CONSELLO PARA REPOBOAR MONTE

Mensaxepor Casdeiro » 16 Set 2014, 11:50

Outro compañeiro, Manuel Amigo, suxire o seguinte:

Bueno eu penso que non o ten tan mal , eso si falaria con Lolo para que lle orientara sobre o tema , en canto os eucaliptus e acacias , os tocons de eucalptus chute de pleurotus ostreatus , e no tema das acacias , fixan nitroxeno e son caralludas para facer chop and drop, vamos cortar e deixar no chan, e un proxecto chulo, facil e moi viable pero eu falria con Lolo.


Refírese a un permacultor de Oza, Lolo Andrade: http://www.lavozdegalicia.es/noticia/so ... P64991.htm
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Converter finca forestal en bosque de alimentos

Mensaxepor Casdeiro » 16 Set 2014, 12:07

Se quere facer algo que plante carballos, castiñeiros, nogueiras e cerdeiras, ten que facelo a man e poñerlle os tubiños esos plásticos de protección, vai ter unha mortalidade grande e o que estea fora dos tubiños que o vaia cortando con paciencia.... os próximos 30 anos.


Hame desculpar Xabier pero non o vexo unha estratexia moi permacultural nin moi acaída ao que penso quere conseguir Canoli. En primeiro lugar porque non estás plantando moitas outras árbores que poden dar comida, froiteiras principalmente. Habería que ver na súa zona e nesa orientación e altitude que tipo de maceiras se dan, p.ex. E despois plantar árbores que favorezan unha sucesión máis rápida e frutífera, e que máis adiante serán eliminadas cando o bosque comece a entrar nunha etapa máis madura. Penso que aí o Geoff Dawton dá moi bos consellos, que por suposto habería que adaptar en especies ao entorno de Cambre, pero que como deseño xeral parécenme moi acaídos. Tampouco descartaría especies máis mediterráneas polo tema de que para cando o bosque madure pode que teñamos un clima máis dese estilo.

Acerca da viabilidade ou non, penso que a clave está na erradicación dos eucaliptos. Se non son moitos ou se dá coa maneira de mantelos controlados (p.ex. cos cogomelos que comentaba Amigo), penso que non sería inviable o que pensa facer. Non estaría de máis un análise do solo nas diversas partes da finca para ver como está a nivel de pH, etc. Tamén habería que analizar o tema da auga e se cadra deseñar swales ou unha estructura de liña clave (keyline). Isto non sei se sería compatible coas terrazas estilo Holzer.
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Converter finca forestal en bosque de alimentos

Mensaxepor Casdeiro » 16 Set 2014, 12:12

Máis de Xabier:

O das terrazas con maquinaria pesada.... non o vira
As razóns son múltiples. En España e Portugal os enxeñeiros de montes introduciron esa práctica xa nos anos 50 e tivo o seu punto álxido nos 70 e incluso a principios dos 80, antonte...
A creación de terrazas é tradicional se se fai a man, en procesos lentísimos que levan décadas. En moitos sitios da Cantábrica, por ex. podemos ver terrazas, hoxe abandoadas, para pastos ou mesmo para cereal.
En áreas mediterráneas tamén hai bancais, por ex, nas ladeiras orientadas ao S do canón do Sil.... a base de pedriñas colocadas a man durante séculos....
Básicamente en zonas de penentes moderadas e con solos fondos, e normalmente algo arxilosos ou calcáreos. Os materiais compórtanse diferente e non se lixivia o chan fértil á primeira chuvia que veña.
Facelo con maquinaria pesada en chans ácidos, con gran pendente, en zonas con capa fértil moi feble un desastriño.
Fixádevos na Tv, por exemplo o gran incendio de Xávea destes días: sobre bancais de piñeiros prantados en terrazas.
Hai que ver o que chamas "alta montaña" nos Alpes. Por moitos Alpes que sexan fixo que non pasan en altitude de calquera sitio cultivado en montañas ibéricas.... ou bastante menos altura. Logo hai que ver a pendente, e o material, os Alpes son básicamente calcáreos. Se é así pode que che funcione facer un pequeno raspado...
Aquí eliminarías a pouca capa fértil que teñas vía lavado coa chuvia, a continuación matas calquera rebrote excepto das especies que non che interesan: eucalipto e acacia.
Meter maquinaria como se fai en Galicia, León, Asturias... inda que non sexa pra facer terrazas é unha burrada con consecuencias, pero moi rendible pros exeñeiros e as súas empresa/trama (a famosa mafia forestal que moitos denunciamos), meten a máquina, o operario cobra lixo, en 2 días acaban e veña a cobrar a pxxx subvención....


se cortas acacias e as deixas, dous problemas: 1, acidificación (máis ainda) e 2 alimentas o banco de sementes.
Non sei qué experiencia pode ter... obviamente se invistes unha burrada de tempo e enerxía podes cambiar cousas...
E o do chute de pleurotus... habería que velo...
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Converter finca forestal en bosque de alimentos

Mensaxepor Casdeiro » 16 Set 2014, 12:15

Hai que ver o que chamas "alta montaña" nos Alpes. Por moitos Alpes que sexan fixo que non pasan en altitude de calquera sitio cultivado en montañas ibéricas.... ou bastante menos altura. Logo hai que ver a pendente, e o material, os Alpes son básicamente calcáreos. Se é así pode que che funcione facer un pequeno raspado...


No documental devandito podes apreciar a pendente. As altitudes de Krameterhof (a finca de Holzer) van dos 1.000 a 1.500 m. O clima de Cambre vai ser moito máis suave, penso eu, por moi ao N que dea.

...Claro que el non herdou unha finca con eucaliptos ;-)
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Converter finca forestal en bosque de alimentos

Mensaxepor Casdeiro » 19 Set 2014, 08:40

Canoli: pásoche a opinión dun permacultor do que se cadra xa tes escoitado falar ou pode que mesmo coñezas, César Lema. Velaí vai, espero que che resulte útil:

Primeiro penso que 6000m2 poden ser abordables manualmente perfectamente... depende do esforzo que se queira poñer
Non sei se pode ser doado meter bulldozer.....pero [...] eu o pensaría millor o de meter maquinaria pesada....

O primeiro que ten que facer é ir cortando os rebrotes de eucalipto e acacia para ir esgotándoos....despois pensar en meter pleurotus aos tocons o que, sen ter moita idea, non é doado (xa tendo idea é tamen complicado). Falaría con Miguel Angel que está experimentando con iso. [NOTA: Aquí César dame un contacto con este home; hei ver de contactar con el e trasmitir o que nos conte]

Por suposto, deixar e protexer os carballos ou castiñeiros que medraren entre os arcolitos (que é como se denominan por aquí os eucaliptos).

Pensar que Galicia tende a Carballeira e para conseguilo hai unha sucesión que pode ser acelerada metendo materia orgánica directamente ou sementala como sería o toxo e as xestas...Ten que recoller semente de toxo e xestas, mesturala con terra cercana ás raíces destas plantas, seguramente mergullar todo nunha especie de arxila e facer algo ao xeito das nengo dango de Fukuoka... Sei que aquí na Galiza sementabase o toxo poderiase preguntar a alguna persoa maior como o facían....A toxeira e a xesteria é a etapa previa ao bosque, a que achega nitróxeno e equilibra o pH, recorda que o toxo é dos arbustos que mais Ca teñen da Península.....Cando iso está medrando (ou se xa hai xestas e toxos medrando) ir dando cortes e deixando ao redor das pequeñas arboliñas........Igual para acelerar un pouco mais, e antes de que medren as leguminosas sementadas, nas zonas onde hai mais terra podería comenzar a sementar landras, e castañas...en lugares onde estean frescos no verán (ir dirixindo a auga de escorrentía cara eses sitios)...como di Xabier protexelos con tubiños dos animais....mirar que non haxa rabaños de cabras, se non todo o esforzo irá "ao carallo"...Tamén probaría a recolectar toda clase de pebidas de fruta que coma e facer unhas bolas de barro metendo alguna leguminosa e gramínea a modo de Fukuoka. Sei que un tal Julio Cantos (creo lembrar) o está facendo polo Levante xunto cos de Maderas Nobles del Segura....Por suposto os rebrotes de eucalipto e acacia podería deixalos...ainda que se son moitos eu os empregaría para facer barreiras para parar e atrapar a escorrentía a modo de como ven nalgún libro de permacultura....e como dis ti: primeiro e antes de nada un deseño, saber o que se quere, observar, informarse, implementar e manter...
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Seguinte

Volver a Taboleiro de axuda mutua

Quen está en liña

Usuarios navegando neste foro: Ningún usuario rexistrado e 0 convidados

cron