Redefinirmos o feminismo na era posindustrial

Acerca do papel das mulleres nunha sociedade pospetróleo e como as afectarán as implicacións do Peak Oil.

Redefinirmos o feminismo na era posindustrial

Mensaxepor Begonha » 13 Xuñ 2014, 00:17

O sistema patriarcal no que vivimos é cuestionado por primeira vez de xeito organizado polas mulleres durante a revolución industrial, cando elas empezan a traballar nas fábricas. As mulleres saen traballar e visibilízanse, reúnense e fanse fortes. Empeza asi a longa loita pola igualdade de dereitos. Máis tarde soubemos que o capitalismo nola xogou ben xogada, máis hai que recoñecer que se avanzou no recoñecemento de dereitos e na independencia económica.

Pero se nos enfrontamos precisamente ao fin da era insdustrial, qué nos depara o futuro pospetróleo ás mulleres? Voltar á invisibilidade, ao doméstico, e polo tanto á dependencia? Ao traballo reproductivo e de coidados non remunerado e que por tanto nos fai dependentes, logo sometidas? O pasado sábado saía un artigo en "Público" que afirma que "El trabajo no remunerado en España supone ya el 53% del PIB. El mayor porcentaje de esta actividad se concentra en el cuidado de niños, enfermos y mayores, según un estudio publicado este miércoles por la Fundación BBVA y liderado por la investigadora del CSIC María Angeles Durán. Adiviñade quén se encarga maioritariamente deste traballo" A crise, por suposto, fai que o Estado devolva as funcións de coidado aos fogares.

Agora ben, a teoría do Decrecemento promulga unha Sociedade-Economía do coidado, coidado da terra, coidado das persoas, e as ocupacións tradicionalmente femeninas deben poñerse en valor, porque son as máis importantes para a sociedade. Sin o traballo reproductivo por exemplo a sociedade simplemente non existirá.

Por outra banda, a "liberación feminina" en moitos aspectos non foi tal e hai hoxe un amplo movemento de mulleres que nos sentimos timadas, esclavizadas, con xornadas laborais dobles, esclavizadas pola publicidade e a moda, e ainda por riba frustradas por non poder vivir plenamente feitos tan importantes coma a maternidade, que se considera un obstáculo para a nosa vida laboral e profesional, cando máis ben é ao contrario, como opina a profesora de Socioloxía da Universidade de Sevilla, Isabel Aler, quen calificou, xa no 2008, o modelo de traballo actual en España como androcéntrico e precario.

Sguimos vivindo nun sistema patriarcal que espera de nós abnegación, submisión e satisfacción dos desexos dos outros antes que dos nosos mesmos. Estamos nun momento histórico no que temos que repensar o mundo que nos gustaría deixarlles ás nosas fillas.

A independencia económica é a base fundamental para todos os seres sentirse libres.
Esa independencia económica ten que estar garantida ainda para as persoas que se adican ás tarefas reproductivas e de coidados
A educación é a única vía para cambiar a sociedade, para erradicar violencia, prexuizos, discriminación, etc. Polo tanto unha nova maternidade, crianza, educación son fundamentais

Unha sociedade pospetróleo, tal e como a pensamos desde Véspera de Nada, co cambio de valores que implica, pode ser unha oportunidade para avanzar no eido da igualdade de dereitos e no desenvolvemento dos dereitos que as mulleres temos a maiores e que se derivan de que nós preñamos, parimos e aleitamos as criaturas. Só unha sociedade que respete profundamente esta naturaleza mamífera e que recoñeza a especial importancia do nacemento e a primeira crianza, e que permita o pleno desenvolvemento destas funcións criará persoas completas para unha sociedade sana.
Begonha
Socio/a
Socio/a
 
Mensaxes: 27
Rexistrado: 04 Mar 2014, 12:19

Re: Redefinirmos o feminismo na era posindustrial

Mensaxepor Casdeiro » 13 Xuñ 2014, 07:32

Begonha escribiu:O sistema patriarcal no que vivimos é cuestionado por primeira vez de xeito organizado polas mulleres durante a revolución industrial, cando elas empezan a traballar nas fábricas. As mulleres saen traballar e visibilízanse, reúnense e fanse fortes. Empeza asi a longa loita pola igualdade de dereitos. Máis tarde soubemos que o capitalismo nola xogou ben xogada, máis hai que recoñecer que se avanzou no recoñecemento de dereitos e na independencia económica.


Obviamente queres dicir... independencia económica con respecto ao marido ou o pai... pero desde logo non respecto do patrón ou do sistema capitalista-industrial no seu conxunto, non é? ;)
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Redefinirmos o feminismo na era posindustrial

Mensaxepor Casdeiro » 13 Xuñ 2014, 07:41

Begonha escribiu:Pero se nos enfrontamos precisamente ao fin da era insdustrial, qué nos depara o futuro pospetróleo ás mulleres? Voltar á invisibilidade, ao doméstico, e polo tanto á dependencia?


En cánto á invisibilidade... que queres dicir? No ámbito ¿público? ¿social? Depende de onde definamos ese ámbito: se é no local, na aldea/barrio, na parroquia/cidade, a volta á casa (sexa dun home ex-traballador ou muller ex-traballadora) significa precisamente todo o contrario: volvemos a estar presentes, visibles, e actuando no noso contorno máis inmediato. Seguimos colonizados polo imaxinario capitalista-industrial onde o local, o comunitario, o intensamente social e achegado ás nosas vidas, non existe, non ten valor... Debemos desprendernos desa visión porque non é nosa: é imposta pola súa ideoloxía.

E o mesmo podemos dicir da dependencia: deixar de depender dun emprego, dun Estado protector... ¿é volver ser dependentes? En todo caso mudariamos a dependencia, pero en boa medida tamén abre a posibilidade a nos independizarmos máis, como unidade familiar. E o mesmo lle pode pasar a un home. Non acabo de ver por qué precisamente as mulleres teñen que ser as que volvan a casa desbotadas polo sistema industrial, pero bo... asumamos que pode ser así por cómo están montadas as cousas e as mentalidades no sistema actual. Deberiamos entre todos repensar os roles de homes e mulleres pero adaptados ao novo contexto postindustrial e recoñecendo o valor (humano, non de mercado) dos coidados, do labor doméstico, etc. Penso eu que no pasado preindustrial se recoñecía máis, con todo o que puidese haber tamén de machismo, claro, e de falta de dereitos, pero non penso eu que o home desvalorizase o labor da muller na vida tradicional rural previo ao mundo do emprego asalariado.

Acho que non deberiamos vencellar doméstico a conceptos con carga tan negativa como invisibilidade ou dependencia. O doméstico é o básico, o fundamental, o entorno sinequanon para a vida.
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Redefinirmos o feminismo na era posindustrial

Mensaxepor Casdeiro » 13 Xuñ 2014, 08:11

Begonha escribiu:A educación é a única vía para cambiar a sociedade, para erradicar violencia, prexuizos, discriminación, etc. Polo tanto unha nova maternidade, crianza, educación son fundamentais


Por suposto que é unha vía importante para mudar unha sociedade, e sería a vía ideal... mais entran outros factores en xogo, tanto na sociedade industrial como na postindustrial cuxo alborexar vivimos. A simple carencia de enerxía (e con isto, de moito do que demos ata hoxe por seguro) vai facer mudar a nosa sociedade dunha maneira moito máis brusca e profunda do que podería facer a educación, e temo que non será no sentido que a nós nos gustaría. Por suposto se tivésemos unha educación preparada para acompañar e dar sentido positivo e liberador a estes cambios, sería moito mellor e o resultado final o mellor dos posibles, pero coido que estamos moi lonxe desa preparación e se cadra xa é moi tarde, agás se cadra para algunhas experiencias de educación libre, non controladas polo Estado nin polos poderes privados actuais (incluída a Igrexa católica).

Polo demais parabéns polo texto, penso que merece unha presenza no noso blog e mais nalgún outro medio de comunicación. Espero que te animes a envialo!
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza

Re: Redefinirmos o feminismo na era posindustrial

Mensaxepor marinela » 28 Set 2014, 08:43

Begoña di:
Agora ben, a teoría do Decrecemento promulga unha Sociedade-Economía do coidado, coidado da terra, coidado das persoas, e as ocupacións tradicionalmente femeninas deben poñerse en valor, porque son as máis importantes para a sociedade. Sin o traballo reproductivo por exemplo a sociedade simplemente non existirá.

Unha cousa é o que propón a teoría do decrecemento, e outra a realidade do futuro postpetróleo. Penso que non van ser os grupos pro-decrecemento quen se encarguen de organizar a sociedade dese futuro. Máis ben serán os grupos de poder de sempre. Pouco vexo arredor de min que me faga ter esperanza no contrario.
De modo que tamén é posible que as ocupacións de coidados que na sociedade patriarcal se nos atribúen ás mulleres, seguirán (e en aumento) séndonos atribuídas. Xa seoen voces dicíndonos que volvamos "para o noso sitio".

Begoña di:
Por outra banda, a "liberación feminina" en moitos aspectos non foi tal e hai hoxe un amplo movemento de mulleres que nos sentimos timadas, esclavizadas, con xornadas laborais dobles, esclavizadas pola publicidade e a moda, e ainda por riba frustradas por non poder vivir plenamente feitos tan importantes coma a maternidade, que se considera un obstáculo para a nosa vida laboral e profesional, cando máis ben é ao contrario, como opina a profesora de Socioloxía da Universidade de Sevilla, Isabel Aler, quen calificou, xa no 2008, o modelo de traballo actual en España como androcéntrico e precario.

A liberación da muller claro que é un timo. Non vale de nada que nós saiamos fóra traballar, se toda a carga do fogar e dos coidados repercute sobre as nosas costas. Dese timo, non é o poder o único culpable, tamén o é cada varón que permite que as mulleres da súa familia teñan unha dobre xornada laboral mentres el descansa. Os coidados deben estar repartidos, o ocio tamén.
A miña pregunta é: se en momentos de bonanza económica non se acadou nin sequera unha igualdade tan simple como a igualdade salarial, que pasará durante unha crise económica sen precedentes?
Eu xa sei quen vai lavar as camisas cando non haxa lavadora. Xa o vivín hai moito tempo!
marinela
Socio/a
Socio/a
 
Mensaxes: 2
Rexistrado: 27 Set 2014, 11:15

Encontro de Mulleres en Transición

Mensaxepor Casdeiro » 06 Out 2015, 06:40

Non perdades esta crónica de Olga Romasanta, se non puidestes estar alí.
Preparándome para o peor escenario, mentres laboro para construír o mellor dos posibles.
Avatar de Usuario
Casdeiro
Socio/a
Socio/a
 
Mensaxes: 262
Rexistrado: 08 Mar 2014, 19:32
Ubicación: Galiza


Volver a Mulleres e Peak Oil

Quen está en liña

Usuarios navegando neste foro: Ningún usuario rexistrado e 0 convidados

cron